اولدوغكز ملاحظه سيله اسلاف غزاپيشه و اجداد هيجا انديشه كزه متابعت و انلرك مسلكنه اقتدا و اقتفا ايله وفق مراضى خاطر فيض مآثر مز اوزره حركت ايدوب اكتساب غنايم اموال اعداى دوزخ مآله دل تشنه و سفك دماء اهل ضلال ايچون اللرنده تيغ و بللرنده دشنه اولان تير اندازان تاتار صبا رفتار ايله دشت قبچاقدن بلاد قزلباش بد اخلاقه تركتاز و سرعت صر صردن مستعار عجله و ايلغار ايله قطع نشيب و فراز ايدوب مشار اليه وزير اعظم و سردار آصف شيم مز ايله زمان و مكان معهودده التقا و اخذ انتقام حضرت صديقهء كبرى ام المؤمنين و اصحاب سيد المرسلين رضوان اللّه عليهم اجمعين قصديله زين سمند همته ارتقا ايلمك با بنده مقدما نامهء همايون سعادت مقرون مز اصدار و بوندن اسبق بو مقوله امر غزا و جهاد ايله مأمور اولان خانان سالفه عنايت اولنه كلان خرج راه و مهمات سپاه اعداد و احضار و سيوف اعدا گداز و خلع و تشريفات ميمنت طراز ايله بالفعل سدهء سعادتمدار مزده خاصه چاشنى گيرلريمز باشى اولان افتخار الاماجد و الاكارم ، جامع المحامد و المكارم ، مصطفى آغا دام مجده حضوريكزه ارسال اولنمشيدى . الحالة هذه مشار اليه سردار جليل المقدار مزدن اشبو ماه صفر الخيرك يكرمى دردنجى گوننده اولاغله آدملر و مكتوبلر كلوب گرجستان ملك لرينك گزيده‌سى و شاه عجمك ستم ديده سى اولان افتخار امراء الملة المسيحية زكم حاكمى طهمورث ختمت عواقبه بالخير اباعن جد آستان خلافت آشيانمزه صداقت و اخلاص له اخص خدم و جادهء اطاعت و عبوديت ده ثابت قدم اولوب شاه عجم غصب ايله الندن الدوغى ز كم ولايتنى كير و قبضهء تصرفنه كتوردو كندن زياده اضطرابه دوشوب ولايت زكمه مستولى اولمق ايچون شجاعت و شهامت لرينه اعتماد ايلديكى خان لرندن و سلطان لرندن برنيجه ملا عينى عسكر قزلباش ضلالت معاش له ولايت زكمه كوندرد كده مومى اليه ملك طهمورث دخى دولت عليه مزه استظهار و آهنگ جنگ و پيكار ايلد كده ملاعين بى دينك بر لحظه مقاومته قدرتلرى و مقاتله يه طاقت لرى اولميوب عنايت بارى ايله قرارى فراره تبديل و اقدامى انهزامه تحويل ايدوب . على الفور منكوب و مقهور و مغلوب و مكسور اولمغله ملاعين رفض آيينه با شبوغ و صاحب طبل و علم و توغ اولان نامدار خان لرندن گنجه حاكمى ولى محمد خان و گيلان خان لرندن